無花果麥片包-麥皮湯種

今日呢個包都算幾健康,湯種係用麥片,豆漿加少少高筋粉開勻煮成糊狀攤凍備用,我見份量咁少,就用微波爐叮,效果都係一樣.

將攤凍麥皮湯種加入筋粉,砂糖,新鮮酵母,奶(因為無豆漿),牛油搓勻發酵完後,碌開麵團成長方形,鋪上用Rum酒浸過切成絲無花果乾.

捲起成圓柱體,切成3等份,放入麵包模中作最後發酵.

發酵完畢,麵包面塗上奶,再灑上麥片,就可以放入焗爐焗嚕...

焗完出爐甩模攤涼.

切開見到麵包發得唔錯,食落麵包都好軟熟.