開齋食大閘蟹

每年例牌都會約埋另外兩位好朋友,買大閘蟹番屋企食,今年都唔例外,其中一位仲帶埋佢BB女嚟,眨吓眼已經成個六月大,係一個好可愛,成日笑嘅BB.

蒸之前當然要將大閘蟹洗刷乾淨,係朋友去訂一蘿(約有19隻),每隻有成7-8兩重,全部蟹公,都好大隻.

洗完後放上紫蘇葉,薑片一齊煎熟,加埋秘製薑醋汁,就可以開餐嚕....,其實我自己都帶咗鹵水雞腎,蛋,鴨舌去加料,不過掛住拆蟹,無影到.

打開蟹殼,個啲蟹膏黃油流哂出嚟,橙黃色,好好味呀!不過我嘅極限都祗係食兩隻已經覺得好滯,後來仲打包兩隻帶番去俾奄尖大少食,雖然佢已經食完晚飯,都拆咗一隻蟹,什麼膽固醇過高問題,已經拋於腦後囉.