眾裡它尋

今日無無聊聊行入去一間買平價書嘅書店望吓,佢個度都有台灣書籍賣,竟然俾我發現咗呢本新出捲蛋蛋糕書,之前係台灣網誌已經有報導過,但計過運費差唔多等於書價,又覺得貴啲,幾次出旺角書店搵又搵唔到,點知今日係呢間書店發現到,而且仲有8折,所以即刻買咗喇.

我其實之前已經買咗呢個作者好多本書,覺得佢教材步驟都好詳細,跟住做,多數成功.

有好多種蛋糕體同不同餡料,混合一齊用,梗有一款啱自己.

隨書仲有兩隻DVD送,教做蛋糕體同蛋糕製成品,我要慢慢睇,瞭解多啲先開始跟住做.