今朝奄尖大少嘅早餐-韮菜肉蒸包

呢排奄尖大少狂加班,做到佢死死吓,難得今日休息,於是今朝專登整咗呢個韮菜肉蒸包俾佢做早餐.

肉餡昨晚已調味好放雪櫃,今朝切碎韮菜撈入去就包得,搓好麵團發酵5分鐘就可以開皮包嘞,再發酵15分鐘就可以蒸.

好快已經蒸好嘞,不過已經趁熱俾咗一隻奄尖大少食,佢話唔錯喎,不過我覺得最後發酵多5-10分鐘,可能會好啲.

睇吓自家製造,零舍不同,皮薄餡多架.