香蕉合桃包

我用香蕉合桃焗個蛋糕,鬆餅,但好似從來無用佢哋焗過麵包,於是今日試吓整,睇吓好唔好食?

我用咗熟透梅花點香蕉,加焗香切碎合桃,隨便搓成兩條辮扭埋一齊,放入掃油模裡就拎去焗.

一時唔記得香蕉蓉甜,會容易上色,遲咗蓋錫紙,所以面比較燶啲.

切開試吓味道,都好有香蕉味,少甜,好鬆軟,聽講擺多一日,香蕉味會出啲,一於明天食,睇吓係咪先?