一氣呵成-香蕉蛋糕&藍莓奇異果醬

今朝見到檯面食剩一隻梅花點香蕉,於是就用咗佢嚟焗蛋糕.

呢個蛋糕都好健康,因為祗係落咗一湯匙芥花籽油,蛋,糖,蜜糖,麵粉咋,但可惜蓋錫紙時遮唔哂攪到變咗鍾無艷,一邊比較燶.

又心急甩模,結果個底起得唔夠平滑,好彩自己食就無問題喇, 但都唔影響蛋糕味道,唔太甜又軟熟.

跟住做開唔好俾自己停,將有人嫌酸藍莓加埋金奇異果切粒,加入砂糖醃一陣.

煮到夠杰身,就加入麥芽糖再煮,最後加埋粟粉水就完成喇...自從識煮果醬後再無買出面果醬,自己整100%真正生果,健康好多架.