紅桑子朱古力慕士蛋糕

見到雪櫃內淡忌廉就快過期,加埋之前買咗紅桑子果蓉,所以就做咗呢款慕士蛋糕.

首先焗好朱古力海綿蛋糕,我用分蛋法,無落任何油份,將底面都片去唔要,然後橫片2-3塊.

將一塊蛋糕置底

倒入紅桑子慕士漿

放上一塊蛋糕

再倒入朱古力慕士

因為無諗住送俾人,所以無做餅面裝飾,祗係簡簡單單做咗個紅桑子果凍面就算

雪凍後甩模

切開試食,紅桑子微酸(因為加咗糖,如果唔係就好酸),加朱古力苦澀味,味道好微妙,但都好夾,可以平衡朱古力濃郁味道,唔錯.