蜂蜜馬賽牛乳皂

天氣轉為乾燥,所以打咗啲較滋潤肥皂用作沖涼,今次參照娜娜媽個本"自己做100%保養級乳香皂"一書,但發覺用牛乳冰好難溶解NAOH,我又無分幾次加入NAOH,結果有部份沉係底部,要化好多時間先可以全部溶哂.

因為做馬賽皂,所以用咗75%橄欖油,我足足打咗起碼40分鐘先可以呈現"light trace"狀態,真係打到手都抽筋呀.

我將皂液一部份倒入新皂模,另一部份倒入牛奶盒印上皂章.

皂模呢幾舊都甩得幾好喎.

但皂身仍然唔夠硬,所以用印章呢幾塊就有啲走樣,不過算喇,核突個啲就留番俾自己用,靚樣就送俾朋友.

今次全部製成品