聖誕禮物

今日同志同道合DIY好友食晏,意外地收到佢親手DIY兩份禮物俾我, 左邊係新鮮剛做好嘅洛神花果醬,其實之前我自己都想做,但因為雪櫃內已有幾款唔同果醬未食完,所以忍手無做,而家竟然不勞而獲,真係正中下懷.

右邊係隔熱墊,難得佢上次嚟我屋企,細心觀察到我塊隔熱墊已經破爛,所以做嚟送俾我,有時禮物貴重與否,同價錢未必成對等,我自己反而喜歡收到包含誠意禮物, 多過名牌禮品, 多謝哂.