健康南瓜黍米粥+芽菜牛柳絲炒麵

今朝老友親自將換咗部新麵包機送嚟我屋企, 為咗表示少少心意,就整咗個簡單晏晝一齊食,好過出街同人迫,而且食物質素又越來越差.
好簡單昨晚浸咗米,臨瞓前先放水+米煲15分鐘,再落埋南瓜粒,黍米粒,煲多10分鐘,熄火,由得佢焗通霄,今朝起身再加番少少水煲滾就食得,慳時間又慳火力, 但炒麵就要現炒,不過自己整就可以多芽菜,少肉.盡量少油.