珊瑚草伊蘭保濕精華素

朋友送咗包珊瑚草俾我好耐,都無郁過.

見到網上有人用嚟整精華素,於是自己又試吓整, 首先洗乾淨乾珊瑚草,再用水浸,浸約3-4個鐘後就換水再浸.

我放係雪櫃內浸咗兩日,已經發漲咗好多.


將發漲咗珊瑚草剪碎連浸水,一齊煮至溶,但要用慢火,加上膠質重,要不停攪拌,至少要煮15分鐘或以上,仲要過濾,冷卻成為透明啫哩狀.

我再將溶液加上伊蘭伊蘭花水,蘆薈萃取液,甘油就成為呢支含豐富膠原蛋白,又保濕,可以鎮定神經精華素,不過伊蘭伊蘭味道好濃郁,落好少都夠.