提子車輪包,芝麻方包&杏仁曲奇

天氣轉涼無咁熱,開始有啲心機整野食,今朝攞咗個"哎呀"車輪包模,焗咗個提子車輪包,剩低麵團就做埋山形芝麻方包.

今次表皮燶咗啲,因為剛剛有朋友來電,結果遲咗出爐.

幸好裡面都好鬆軟,今次用咗17小時低溫發酵,所以麵包組織發得比較理想.

開焗爐焗麵包,於是將之前剩餘脆皮奶黃月餅皮,切成一塊塊,加上原粒杏仁,焗成杏仁曲奇餅,好味又鬆脆,不過唔可以成日食,否則膽固醇實超標.