自製越南札肉

我由細到大都好鍾意食越南札肉,可惜係香港好難食到正宗札肉,見網上有食譜教人整,梗係要試吓整喇.
打好一盤肉漿,豬肉+雞脾肉各半,不過打到部高速攪拌機差啲消埋.

雪凍後用烘焙紙捲起

再將捲起肉漿塞入空鐵罐&汽水罐中攞去蒸熟

拆開鐵罐,汽水罐倒出札肉卷攤凍

切開一小塊試味,發覺黑椒太辣,肉質因為家庭攪拌機,始終不及買番嚟札肉軟滑,又唔彈口,原食譜無話要撻,下次自己一定要加多呢個程序再改良吓至得.