健康飲料-自家浸泡紅茶菌

近日得到朋友介紹,並慷慨送贈紅茶菌種,前後6日已經飲得,味道係微酸,但經過分解後已經無乜紅茶味,好似飲汽水咁.

朋友送贈紅茶菌種,其實唔駛太多,我祗用咗一塊,一開二剪開浸兩樽已足夠,稍後菌種浸在紅茶糖水中會在上面增生新菌種.

用透氣紗布封口,橡筋紮好蓋口,放係室溫,經過6日後,整個室內已經彌漫酸宿味,打開蓋口後,見到好多氣泡,亦有新一片菌種黏貼係舊菌種上.

撈起菌種,舊個塊掉棄,祗留低新個塊繼續用作浸新紅茶菌,將紅茶菌液過濾後就可以飲用,味道微酸,似飲汽水,不過紅茶糖水經分解後已經無晒紅茶味.