DIY 素麵條

今日忘記買上海麵番屋企,因為係我家奄尖大少指定今晚食糧,反正屋企又有中筋粉,於是搬出久違好耐嘅麵條機,實行DIY不求人,但已經好耐都無整過麵條,於是祗係嘗試做一半份量.

當分割麵條後唔想黏埋一堆,於是就用衣架晾起,令麵條稍為乾身.

當麵條有8成乾就可以除下,放係碟中.

煲滾水將都麵條淥熟,再過冷河就食得嚕...,至於奄尖大少評語係麵質幼滑,但稍嫌稔身,有改善空間喎.