椰汁馬豆糕

今朝起身即刻整定椰汁馬豆糕,準備雪凍後明日帶番去奶奶屋企請大家食, 份量當然唔係相中咁小, 呢啲祇係留俾自己同老公食,我專登唔俾咁多糖,所以唔係好甜.

焗蛋糕-檸檬蛋糕

今日除咗趕工織冷衫外,晏晝又開始焗蛋糕,可惜糕面燶咗啲,,祗好刮去表層,因為唸住明天請朋友食,下次要小心些.

Baby 冷衫&帽

今日終於趕起要送俾朋友新生Baby Girl 賀禮,就係冷衫&帽,準備明天送俾佢.

編織舊作品

我讀中一時已開始學勾頸巾,到讀完中學後到一間工廠做書記,無聊時就走急救室跟急救姑娘學織冷衫,跟住就開始停不了織織復織織,但以我咁性急,唔知點解有耐性織東西呢?我祗係間中有幾年太忙停咗無勾織,現在半退休又可以恢復生產啦.

今年夏天勾俾朋友嘅披肩

剩餘嘅線勾多兩個電話套加一個頭髮圈

喜歡光良的歌曲

自從N年前由朋友處email給我一首火光良的"童話"後,一聽之下就非常喜歡他的歌,好耐都未試過買正版碟,竟然為咗佢嘅歌破例,雖然都算貴,但無所謂啦,難得自己會鍾意聽中文歌.

http://www.youtube.com/watch?v=ABenWi0DlIU