今日晏晝-札肉腸粉

為咗想儘快消滅雪櫃內札肉,就做咗呢個札肉腸粉作為晏晝.

材料好簡單,將札肉同紅蘿蔔拖滾水再切絲,加埋係街市買嘅齋腸粉.

將腸粉一開三段,再解開成粉皮,捲入紅蘿蔔絲,札肉絲放係掃油碟內.

然後放上鑊蒸一陣,灑上蔥粒,我無再俾熟油,配上自製"碌淋"汁,就可以開餐嚕..腸粉蒸完都幾軟滑,加埋汁料酸甜味道,會無咁肥膩,啱我食,唔錯.