蜜棗合桃黑糖麥包-湯種法

好耐都無用湯種做麵包,今日就再用番湯種法去做呢個包.

首先要煮好湯種攤凍,然後將高筋粉,全麥粉,糖,牛奶,沖繩黑糖加埋湯種如常攪拌至起筋後,加入牛油,切碎蜜棗,合桃一齊再攪拌均勻,就可以作第一次發酵,排氣,第二次發酵後滾圓,今次用咗新道具整形.

就係呢一個灑滿筋粉嘅膠筲箕,因為無滕籃,太貴又唔捨得買.

將麵團面向下,底向上壓入筲箕中作最後發酵至2.5-3倍,之後倒扣落已灑粉烤盤就可以焗.

睇吓焗好啦,不過花紋消失哂,可能麵團壓得唔夠深.

切開內部都算鬆軟,比較濕潤,我都係鍾意用中種法多啲.