健康嘅綠茶紅豆沙蒸包

今日專登做咗呢個健康嘅綠茶豆沙蒸包送俾我朋友,因為佢鍾意食呢種健康包.

我用咗中種法,將70%中筋粉加水,新鮮酵母,綠茶粉,仲有之前學烹飪堂攞番嚟嘅豆渣,一齊搓勻成團,放置約1個鐘.

再將其餘30%粉,糖,少少芥花籽油搓勻成軟滑麵團,包入豆沙餡(無去豆殼,因為我朋友話豆殼有益喎),整形作最後發酵.

靜置作最後發酵.

蒸咗十零分鐘就蒸熟嘞不過包啲花紋唔見咗.

攤凍切開都算OK,不過氣孔好似大咗啲,但食落唔差,包皮鬆軟有淡淡綠茶味,豆沙餡少甜,希望朋友鍾意啦.