楓蜜栗子包-17小時低溫中種

仍然繼續用17小時低溫中種,主要覺得呢種發酵方法,麵包比較軟熟,就算幾日後仍然保持柔軟.

但係今次味道唔係咁突出,主要係個隻栗子蓉無乜香味,連楓蜜味道都好似無,加上模太細,焗嘅時候東歪西倒,但呢啲無乜影響麵包質感,祗係個樣唔靚仔而已.

睇吓個模係焗爐裡面側埋一邊就知.

呢個係焗好個樣,正面睇唔係好覺樣衰.

切開後就見到個包側埋一邊,而且唔係圓形,直情走哂樣,不過唔緊要,我都可以照啃得落嘅.