聖誕西點甜品班-第十課-裝飾曲奇

終於上到最後一堂,因為臨近聖誕,所以就做咗個裝飾曲奇,曲奇餅本身唔難整,最緊要將牛油,糖要打發至鬆起,加入蛋黃或蛋液,最後加入已篩麵粉,輕手攪勻,用保鮮袋包好,將粉團碌平,放入雪櫃雪至硬身後攞出,切開塊狀,搓勻再碌薄吸模,就可以放入焗爐焗嘞.

中間吸咗洞嘅曲奇,仲可以放入唔同顏色水果硬糖.

眨吓眼已經焗好咗.

將蛋白加糖霜打起至可以挑起而不跌下,就加上唔同色素,同曲奇餅扮靚.

睇吓同學們唧得幾有創意.

可惜我無乜美術天份,唧得麻麻地,糖霜好甜,所以用嚟裝飾好過食.