紅蘿蔔方包-低溫中種法

呢款麵包做過好多次,不過係用唔同發酵方法,包括湯種,老麵種,麵包機,今次就用27小時低溫中種,加入鮮搾紅蘿蔔汁同紅蘿蔔絲,因此水份多咗,比平時打麵團時間較長,先有薄膜,而且非常軟身同黏手.

呢舊係打完嘅麵團,打側個盤,麵團會倒向一邊.

由於太黏手,所以造型比較困難,要加多啲手粉,捲好後就放入麵包模至8-9分滿.

然後蓋好頂蓋就可以放入焗爐焗.打開蓋時係平頂,但甩模後立即回縮兼收腰,唯有立刻側放.

但我衰心急,未夠攤凍已放入盒中盒埋,結果麵包滲入倒汗水,由於水份多,所以隔日食都非常柔軟,可能天氣熱,所以麵包都發得唔錯.